80 sachet ng shabu nasabat sa buy-bust operation sa Makati City

Arestado ang anim katao sa isinagawang buy-bust operation ng pulisya sa Brgy. Poblacion, Makati City, Lunes ng gabi.

Sa impormasyon ng Makati Police, nakilala ang mga suspek na sina Alexander Manansala, Jose Basil, Roberto Manansala at Ma. Gloria Banzil, Art Bryan Moreno at Niño Calvo.

Pawang nasa drug watchlist ang mga suspek.

Nakuha mula sa mga ito ang 80 plastic sachet ng hinihinalang shabu na aabot sa P35,000 ang halaga at mga drug paraphernalia.

Sasampahan ngayon ang mga suspek ng kasong paglabag sa Comprehensive Dangerous Drugs Act of 2002.