Higit P2.1M halaga ng shabu nasabat sa buy-bust operation sa Quezon City

Nakumpiska ng QCPD Station 6 ang higit P2.1 milyong halaga ng shabu sa buy-bust operation sa Brgy. Payatas, Lunes ng gabi.

Arestado ang walong suspek na nakilalang sina Mary Janes Mariano, Efren Zafra, Teofilo Zafra, Elmer Howit, Vina Baldovina, Mercylinda Miron, John Erick Tupaz at isang 17-anyos na binatilyo.

Nakuha sa mga ito ang transparent bags ng shabu na nakatali ng ribbon, small plastic sachets ng shabu, timbangan, at isang cellphone.

Higit-kumulang 310 grams ng droga ang nakuha mula sa mga suspek na tinatayang nagkakahalaga ng P2.108 milyon.

Sasampahan ang mga suspek ng kasong paglabag sa Comprehensive Dangerous Drugs Act of 2002.