VP Jejomar Binay umapela ng ceasefire sa mga kalaban

Nanawagan si Vice President Jejomar Binay sa kanyang mga kalaban sa presidential election na itigil o isantabi muna ang bangayan bilang pakikiisa sa diwa ng diwa ng Pasko.

Ang hiling ni Binay ngayong Pasko ay ceasefire ng mga magkakalaban sa pulitika partikular sa mga kapwa kandidato sa 2016 election.

Kung ang New People’s Army at militar anya ay may tigil-putukan, baka pwede raw na pairalin ang tigil-bangayan ngayong Christmas season.

Nilinaw naman ng presidential aspirant na wala siyang pinatutungkulan na kandidato sa kanyang apela na ceasefire.

Samantala, naniniwala ang pangalawang pangulo na magpapatuloy pa rin ang paninira sa kanya sa pagpasok ng
bagong taon.

Pahayag ito ni Binay kasabay ng kanyang pagdalo sa selebrasyon ng 37th birthday ni Sarangani Representative Manny Pacquiao kahapon, araw ng Huwebes.

Nakatakda namang dalawin ni Binay ang mga nasalanta ng bagyong Nona sa Samar at iba pang lugar sa Visayas
Region.