Sundalo patay, 2 sugatan sa engkwentro sa Negros Oriental

Nasawi ang isang sundalo habang nasugatan ang dalawang iba pa sa sumiklab na bakbakan sa Manjuyod, Negros Oriental Sabado ng gabi.

Ayon kay Brig. Gen. Ignacio Madriaga, naganap ang engkwentro sa pagitan ng militar at mga miyembro ng New People’s Army (NPA) sa bahagi ng Barangay Bantolinao.

Nangyari ang bakbakan matapos ang isinagawang medical at dental mission ng Office of the President sa nasabing lugar.

Hindi bababa sa 20 miyembro ng rebeldeng grupo ang nakipagpalitan ng putok ng baril sa mga tropa ng pamahalaan.

Ayon pa kay Madriaga, narekober sa pinangyarihan ng engkwentro ang pampasabog mula sa rebeldeng grupo.