7 pamilya, apektado ng sunog sa Misamis Oriental

Nawalan ng bahay ang pitong pamilya dahil sa naganap na sunog sa Initao, Misamis Oriental Sabado ng madaling-araw.

Ayon sa Initao Fire Station, nagsimula ang apoy sa bahay ni Bartoloma Ubanan bandang 3:20 ng madaling-araw.

Sinabi nito na electrical short circuit ang pinagmulan ng apoy.

Naging mabilis ang pagkalat ng apoy dahil yari ang mga bahay sa light materials.

Aabot naman sa P150,000 ang kabuuang halaga ng pinsala bunsod ng sunog.