6 patay sa sunog sa Caloocan

Patay ang anim katao, kabilang ang tatlong buwang sanggol, makaraang sumiklab ang sunog sa isang bahay sa Caloocan City, Linggo ng madaling-araw.

Ayon sa Bureau of Fire Protection-Caloocan, nagsimula ang sunog sa kanilang bahay sa bahagi ng Phase 8, Package 5, Block 59 ng Barangay 176 sa Bagong Silang bandang 2:40 ng madaling-araw.

Magkakamag-anak ang mga nasawi sa sunog.

Pinaniniwalaang ang naiwang kandila ang sanhi ng sumiklab na sunog sa lugar.