Target ng mga lider ng mga bansa sa southeast Asia na tapusin na ang matagal ng delayed na kasunduan ukol sa kalakalan sa rehiyon sa gitna ng isyu sa pagitan ng Estados Unidos at China.
Bukod sa US-China trade war, natalakay din sa 34th ASEAN summit sa Thailand ang pagbangga ng barko ng China sa bangka ng mga mangingisdang Pilipino sa Recto Bank.
Ilan pa sa mga isyung pinag-usapan sa summit ang planong repatriation ng mahigit 700,000 Rohingya Muslim refugees na tumakas sa Myanmar mula noong August 2017 at pumunta sa Bangladesh.
Ang confidential draft ng post-summit communique, na inaasahang ilalabas ng host na si Thailand Prime Minister Prayuth Chan-o-cha, ang magtatapos ng mga negosasyon sa ASEAN.
Ang draft statement ang hihimok sa economic ministers na gumawa ng hakbang para maabot ang target ng rehiyon.