Lumawig pa ang panalo ng Magnolia matapos talunin ang palabang Phoenix sa PBA Commissioner’s Cup sa score na 99-96 Sabado ng gabi.
Pinangunahan nina Mark Barroca at Ian Sanggalang ang panalo ng Magnolia sa pamamagitan ng ginawa nila sa 4th period.
Nagtala ang dalawa ng pinagsamang 19 points.
Pero sina Paul Lee at James Farr, na gumawa ng 27 points at 26 points, ang nagsara ng ikatlong sunod na panalo ng koponan na ngayon ay may kartada ng 3 wins 2 loss.
Sinubukan ni Phoenix import Richard Howell na maisalba ang team sa ginawa nitong 36 points at 20 rebounds.
Pero dahil sa talo ay bumagsak ang Phoenix sa kartadang 2-4.
Napanood naman sa laro ang pagbabalik sa court ni Mark Pingris na huling naglaro noong 2018 Philippine Cup semifinals.