Sekyu, arestado dahil sa ilegal na pagpaputok ng baril sa Malabon

Inaresto ang isang security guard matapos aksidenteng naiputok ang kanyang service firearms.

Nakilala ang suspek na si Manuel Mondejar Jr., 36-anyos, at residente ng Catmon, Malabon City.

Base sa imbestigasyon ng pulisya, lasing ang suspek habang naka-duty bilang security guard sa isang gasoline station sa Malabon.

Aksidenteng naiputok ng suspek ang baril nito dahilan para matamaan ng bala ang biktima na si Kharen Barcenilla, 31-anyos at kahera ng gasolinahan bandang alas-9:30, Huwebes ng gabi (June 20).

Agad namang itinakbo sa malapit na ospital ang bikitma para lapatan ng lunas ang sugat na tinamo nito.

Mahaharap ang suspek sa kasong illegal discharged of firearms resulting to physical injury.