Mga otoridad ng Hong Kong, kulang sa respeto sa ginawa kay ex-DFA Sec. Del Rosario – Gordon

Pinuna ni Senator Richard Gordon ang kawalan ng respeto ng otoridad sa Hong Kong dahil sa ginawa kay dating Foreign Affairs Secretary Albert Del Rosario.

Sinabi pa ni Gordon na maituturing ng harassement ang ginawa kay Del Rosario.

Aniya, hindi rin maitatanggi ang pagdududa nang ginawa sa dating kalihim ay may kinalaman sa naging pahayag nito ukol sa nangyaring insidente sa Recto Bank.

Pagdidiin pa ng senador, tila kinalimutan ng mga otoridad sa Hong Kong na ang maayos na pakikipag-relasyon sa isa’t isa ang hangad ng bawat bansa.

Umaasa si Gordon na hindi na dapat maulit pa ang pangyayari alang-alang sa matagal ng magandang relasyon mg Pilipinas at China.