NGCP nagpaabiso na ng rotational brownout sa Luzon kasama ang Metro Manila dahil sa red alert sa Luzon Grid

Nag-abiso na ng rotational brownout ang National Grid Corporation of the Philippines (NGCP) sa ilang bahagi ng Luzon.

Sa abiso ng NGCP, ang unang oras ng pagpapatupad ng rotational brownout ay alas 10:00 ng umaga hanggang alas 11:00 ng umaga.

Apektado ilang ang bahagi ng mga sumusunod na lalawigan:

– Ilocos Norte
– Zambales
– Quezon
– Camarines Sur
– at maging ilang bahagi ng Metro Manila

Ala 1:00 hanggang alas 4:00 ng hapon ay muling iiral ang red alert kaya inaasahan ang pagpapatupad pa ng rotational brownout sa nasabing mga oras.