Recto Bank incident maaring umakyat sa arbitration ayon sa Malakanyang

Hindi isinasantabi ng Malakanyang ang posibilidad na umabot sa arbitration ang insidente sa Recto Bank
kung saan binangga ng Chinese fishing vessel ang bangka ng mga Filipinong mangingisda.

Ayon kay Presidential Spokesman Secretary Salvador Panelo, saka lamang aakyat sa arbitration kapag hindi nagtugma ang magkahiwalay na imbestigasyon ng China at Pilipinas.

Nangako naman aniya ang China na kanilang parurusahan ang Chinese crew kung mapapatunayan na sinadyang banggain ang bagkanng mga Filipino.

Sa ngayon sinabi ni Panelo na pinag-aaralan ng palasyo ang lahat ng opsyon para maresolba ang insidente sa Recto Bank.