Eddie Garcia wagi bilang best actor sa 42nd Gawad Urian

Itinanghal ang beteranong aktor na si Eddie Garcia bilang best actor sa 42^nd Gawad Urian para sa role nito sa Cinemalaya moviel na “ML.”

Tinalo ni Garcia ang mga aktor na sina Tony Labrusca at Carlo Aquino mula sa pelikulang “Meet Me in St. Gallen,” Dingdong Dantes sa pelikulang “Sid and Aya,” at Christian Bables sa pelikulang “Signal Rock.”

Bukod sa best actor award, nominado rin si Garcia sa parehong parangal para naman sa role nito sa “Hintayan ng Langit.”

Ang “ML” ay tungkol sa martial law era ni dating Pangulong Ferdinand Marcos.

Hanggang ngayon ay comatose pa rin ang aktor dahil sa severe cervical fracture matapos maaksidente sa taping ng bagong program sa GMA 7.

Nananatiling naka life support si Garcia at nasa “do not resuscitate” status.

Samantala, narito ang ilan pang pangunahing parangal sa Gawad Urian Awards:

• Best Picture – “BuyBust”
• Best Director – Denise O’Hara para sa “Mamang”
• Best Actress – Nadine Lustre para sa “Never Not Love You”
• Best Supporting Actress – Cherie Gil para sa “Citizen Jake”
• Best Supporting Actor – Joel Lamangan para sa “School Service”