Mga kumpanya ng langis inanunsyo na ang halaga ng ipatutupad na price hike

Nag-anunsyo na ng ipatutupad na oil price increase ang mga kumpanya ng langis.

Sa abiso ng Shell at Seaoil, mayroong dagdag na 35 centavos sa kada litro ng gasolina, 20 centavos sa kada litro ng diesel at 25 centavos sa kada litro ng kerosene.

Ang Petro Gazz at PTT naman ay may parehong halaga ng dagdag sa presyo ng gasolina at diesel.

Epektibo ang dagdag presyo bukas, araw ng Martes, June 18 alas 6:00 ng umaga.

Inaasahang mag-aanunsyo rin ng parehong halaga ng dagdag presyo ang iba pang mga kumpanya.

Ang panibagong oil price increase ay matapos ang tatlong magkakasunod na rollback ng mga kumpanya ng langis.