LOOK: Sorpresang handog ng LRT-2 para sa mga tatay ngayong Father’s Day

Naghandog ang pamunuan ng Light Rail Transit Line 2 (LRT-2) ng sorpresang regalo sa mga tatay kasabay sa pagdiriwang ng Father’s Day.

Sa Twitter, ibinahagi ng LRT-2 ang mga larawan kung saan tumanggap ang ilang tatay ng loot bags.

Nakapaloob sa mga bag ang mga tasa na mayroong quotes para bigyang-pagkilala ang kanilang mga sakripisyo para sa kanilang mga pamilya.

Maliban dito, nag-alay din ng mga kanta para sa mga haligi ng tahanan.

Nagsimulang ipamigay ang mga regalo sa Recto at Santolan Station mula 9:00 ng umaga hanggang 12:00 ng tanghali.

Nabigyan din ang ilang tatay sa bahagi ng Cubao Station bandang 9:00 ng umaga hanggang 12:00 ng tanghali at 3:00 ng hapon hanggang 6:00 ng gabi.