Plano ng Golden State Warriors na alukin sina Kevin Durant at Klay Thompson ng limang taong maximum contracts.
Sa report ng ESPN, hindi umano makakahadlang sa hakbang ng Warriors ang achilles injury ni Durant habang torn ACL naman kay Thompson.
Parehong natamo ng dalawang players ang kanilang injuries sa NBA finals kung saan Toronto Raptors ang nagkampeon.
Sa June 30 ay magiging unrestricted free agent na si Thompson.
Habang si Durant ay maaaring tanggihan ang $31.5 million player option o kaya ay maging free agent din.
Kung muling pipirma ng kontrata ang dalawa sa Warriors, nasa $350 million ang magiging gastos ng koponan para sa sweldo at luxury taxes nina Durant at Thompson.
MOST READ
LATEST STORIES