Sa pahayag, sinabi ng PAGASA na ang naranasang malawakang pag-ulan nitong nagdaang mga araw na dulot ng Habagat at naitala sa karamihan ng PAGASA stations ay patunay na opisyal nang nagsimula ang rainy season.
Sinabi ng PAGASA na asahan na ang patuloy na pag-ulan sa western section ng Luzon at Visayas.
Makararanas pa rin naman ng rainfall breaks o yung tinatawag na “monsoon break” na maaring tumagal ng ilang mga araw o linggo ayon sa weather bureau.
Para sa buwan ng Hunyo, sinabi ng PAGASA na ang rainfall conditions ay aasahang near hanggang above normal sa malaking bahagi ng Luzon at Visayas.
Habang generally below normal sa maraming lugar sa Mindanao at southern Visayas.
Umiiral pa rin naman ang weak El Niño at maaring tumagal hanggang Agosto.