Revilla gumastos ng P121.9M noong nagdaang eleksyon; Lakas-CMD nag-donate ng P95M sa senador

By: Dona Dominguez-Cargullo - 5 years ago

Nag-ambag ng P95 million ang political party na Lakas-CMD sa kampanya ni senator-elect Bong Revilla.

Sa isinumiteng Statement of Contributions and Expenses (SOCE) ni Revilla sa Comelec, nakasaad na P115.6 million ang nataganggap niyang campaign contribution, in-kind at cash.

Sa nasabing halaga, P95 million ay mula sa Lakas-CMD at mayroon pang P14.2 million na cash mula sa iba pang contributors at P5.52 million na in-kind contributions.

Gumastos naman si Revilla ng P6.37 million na mula sa kanyang personal na pera.

Sa kabuuan, umabot sa P121.9 million ang ginastos ni Revilla noong nagdaang eleksyon.