Kabilang sa mga 1,800 na nanumpang mga bagong abogado ang bagong koronang Bb. Pilipinas International na si Patch Magtanong.
Pero ayon kay Magtanong, pansamantala niya isasantabi ang kanyang legal profession para mag-concentrate sa kanyang kampanya na maiuwi ang titulo bilang Miss International.
Ito anya ay bilang pagtalima sa kontrata sa Binibining Pilipinas.
Ayon sa Filipina beauty queen, isang malaking pribilehiyo na maging kinatawan ng Pilipinas sa international beauty pageant.
Si Magtangong ay law graduate mula University of the Philippines.
Kapag nagsimula na niyang gampanan ang propesyon nilang abogado, ipagtatanggol ni Magtanong ang karapatan ng mga bilanggo na kanyang adbokasiya sa pagsali sa 2019 Binibining Pilipinas.
Isinagawa ng oath taking ng mga pumasa sa 2018 Bar exams sa PICC araw ng Huwebes.