Visayas, Mindanao patuloy na uulanin sa maghapon bunsod ng ITCZ

Patuloy na uulanin ang Visayas at Mindanao bunsod ng umiiral na intertropical convergence zone (ITCZ) sa bansa.

Sa abiso ng PAGASA weather bureau, makararanas ang Visayas at Mindanao ng maulap na kalangitan na may kasamang kalat-kalat na pag-ulan at thunderstorm.

Isolated rain showers bunsod ng localized thunderstorms naman ang mararamdaman sa Metro Manila at nalalabing parte ng Luzon bandang hapon hanggang gabi ng araw ng Linggo.

Dahil dito, nagbabala ang PAGASA sa posible nitong idulot na pagbabaha at landslide sa mga mababang lugar.

Samantala, wala namang inilabas na gale warning ang weather bureau sa bansa.