Driver ng motorsiklo patay matapos masagi ng pampasaherong jeep sa Caloocan

Namatay ang isang motorcycle rider matapos mabangga ng isang pampasaherong jeep sa Caloocan alas-7, Biyernes ng Umaga, June 7.

Ang biktima na si Rodel Rafol Ramos, 31-anyos at residente ng Tonsuya Malabon ay namatay habang ginagamot sa Caloocan Medical Center .

Base sa report ng Caloocan City Police, iniwasan ni Ramos ang isang bumabang pasahero ng sinusundan nitong jeep sa C-4 road.

Sa pag-iwas ni Ramos ay nabangga ito ng sumusunod sa kanyang jeep na minamaneho ni Juper Sumignan.

Nagtamo ng matinding pinsala sa kanyang katawan ang biktima at si Sumignan ay kinasuhan na ng reckless imprudence resulting to homicide and damage to property.