Naghain ng petisyon sa Supreme Court, Biyernes (June 7) ng umaga ang mga miyembro ng MAKABAYAN bloc na humihirit ng Temporary Restraining Order o TRO para hindi matuloy ang planong ng MMDA.
Ayon kay Bayan Muna Partylist Chairperson Atty. Neri Colmenares, walang kapangyarihan ang MMDA para magpatupad ng sariling pasya sa kung anong mga sasakyan ang papayagan at hindi papayagang magterminal sa EDSA.
Sinabi ni Colmenares na ura-urada ang pasya ng MMDA na maipatupad ang ban kahit hindi pa nakonsulta ang mga apektadong stakeholder.
Una rito ay naghain ng kaparehong petisyon si Albay 2nd Dist. Rep. Joey Salceda dahil labis aniyang maaapektuhan nito ang mga pasahero mula sa mga lalawigan.