DENR ipapasara ang iligal na dumpsite sa Siargao

Gustong ipasara ng Department of Environment and Natural Resources (DENR) ang isang illegal open dumpsite na nasa protected area sa Siargao.

Ayon kay DENR Undersecretary Benny Antiporda, naglabas ang ahensya ng cease and desist order kontra sa isang illegal open dumpsite sa Sitio Santa Rosa.

Giit ni Antiporda, posibleng magkaroon ng masamang epekto sa kalidad ng tubig sa Siargao ang naturang dump site.

Base sa ulat ng DENR, aabot sa 6 hanggang 8 toneladang basura, kasama na ang construction waste, ang tinambak sa nasabing dumpsite.

Gaya ng Boracay, isasailalim din sa rehabilitasyon ang Siargao dahil popular ito sa buong mundo bilang surfing capital ng bansa.