Binatilyo kinagat ng daga sa sinehan ng SM sa Iloilo

Isang binatilyo ang kinagat ng daga sa loob ng Cinema 5 ng SM City Iloilo.

Nangyari ang insidente alas 5:50 ng hapon kahapon, June 5.

Ayon sa kasama ng binatilyo, dahil madilim sa loob ng sinehan hindi nila napansin ang daga at naipit ito ng binatilyo kaya siya kinagat.

Sa pahayag naman ng SM Cinema Iloilo, sinabi nitong agad silang nagpadala ng Emergency Response Team para asistihan ang binatilyo.

Dinala din ito agad sa pinakamalapit na ospital.

Patuloy din umano ang kanilang imbestigasyon sa insidente.