Alyas Bikoy hindi sumipot sa hearing ng kinakaharap na kasong estafa sa DOJ

No-show muli sa pagdinig ng Department of Justice (DOJ) sa kaniyang kasong estafa si Peter Joemel Advincula alyas Bikoy.

Ang reklamo ay isinampa isinampa ng isang negosyante mula sa sa Sorsogon na si Arvin Valmores.

Si Valmores na presidente at CEO ng Ardeur World Marketing ay nagsampa ng reklamo kay Advincula matapos na tangayin ang P304,000 sa inorganisang beauty pageant sa Polangui, Albay.

Unang itinakda ang pagdinig sa DOJ noong May 28 pero hindi dumating si Advincula at wala ring ipinadalang abogado.

Inihirit naman ng complainant na ituring nang submitted for resolution ang kaso dahil sa dalawang beses na hindi pagsipot ni Bikoy.