Magkahiwalay na pagyanig naitala sa Masbate at Davao Oriental

Dalawang lindol ang naitala sa Masbate at Davao Oriental Martes ng madaling araw ayon sa Phivolcs.

Alas-12:08 nang maitala ang magnitude 3.0 na pagyanig sa pitong kilometro Timog-Silangan ng bayan ng Batuan sa Masbate.

May lalim itong limang kilometro.

Magnitude 3.1 naman ang yumanig sa 105 kilometro Timog-Silangan ng Governor Generoso sa Davao Oriental.

May lalim naman itong 31 kilometro.

Tectonic ang pinagmulan ng mga pagyanig na hindi naman nagdulot ng pinsala sa mga ari-arian at walang inaasahang aftershocks.