2,000 ilegal na troso naharang ng mga tauhan ng Philippine Army sa Barira, Maguindanao

Napigilan ng mga tauhan ng Philippine Army ang mga troso mula sa isang watershed sa bayan ng Barira sa Maguindanao.

Ikinakarga na sa dalawang truck ang nasa dalawang libong mga pinutol na puno nang maharang ng mga tauhan ng 37th Infantry Battalion sa pangunguna ni 1st Lt. Ric Pitallano sa Barangay Lamin.

Nakatakas naman ang driver ng dalawang truck bago pa sila masakote ng mga sundalo.

Naaresto naman ang tatlo katao na nagsisilbing escort ng truck na nakilalang sina Bacve Morog, Rudta Fanares at Marju Elias.

Nabatid na dadalhin ang mga troso sa bayan ng Parang.