Ang bangkay ay may mga tattoo ng rosaryo sa dibdib, bituin sa magkabilang balikat at bulaklak naman sa kaliwang braso.
Ayon sa mga residente hindi nila kilala ang lalaki.
Ayon naman sa isa pang residente na nagngangalang Apolonio Demot, mayroon silang nakitang apat na lalaki at nakahubad na lalaki bandang alas-3 ng madaling araw sa bahagi ng Magsaysay Avenue na may hinahabol na tao at may hawak na bato.
Ayon pa kay Demot, naghabulan umano ang mga lalaki at nagpalitan ng bato hanggang sa Center Mall. Nakita pa niyang naglalakad ang biktima na tila walang tama.
Patuloy ang isinasagawang imbestigasyon ng mga otoridad para matukoy ang kinasangkutang gulo ng lalaki at mga nakaaway nito.
Inaalam naman ng Scene of the Crime Operatives (SOCO) ang ikinasawi ng lalaki.