PAGASA: ITCZ may dalang ulan sa Mindanao, Palawan

Maapektuhan ng Intertropical Convergence Zone (ITCZ) ang lagay ng panahon sa Mindanao at Palawan ngayong araw, June 3.

Ayon sa Philippine Atmospheric, Geophysical and Astronomical Services Administration (PAGASA), makakaranas ng maulap na kalangitan na may kalat-kalat na pag-ulan at pagkulog ang dalawang nabanggit na lugar.

Sa Metro Manila naman at natitirang parte ng bansa ay magkakaron ng maulap hanggang sa maulap na papawirin na may panaka-nakang pag-ulan na dulot ng localized thunderstorsm.

Inabisuhan naman ng PAGASA ang mga tao na mag-ingat sa mga posibleng pagbaha at landslides na dulot ng maulang panahon.