DOJ bukas sa posibleng pag-apply ni alyas Bikoy sa WPP

Bukas ang Department of Justice (DOJ) sa posibleng pag-apply ni Peter Joemel Advincula alias Bikoy sa witness protection program.

Gayunman, nilinaw ni Justice Sec. Menardo Guevarra na dapat munang mag-comply si Advincula ng requirements para sa WPP.

Sinabi ni Guevarra na hanggang ngayon ay wala pang sinumpaang salaysay na isinusumute si Bikoy sa piskalya at maging sa PNP.

Aniya, bukod sa sworn affidavit, kailangan ding magsumite ni Bikoy ng mga ebidensya para maging kwakipikado siya sa provisional coverage ng WPP.

Una nang ikinanta ni Bikoy ang Liberal Party na nasa likod daw ng pagpapakalat niya ng video na naglalaman ng paninira sa pamilya Duterte.