P10,000 lang ang ibinigay ng OCD para sa biktima ng Marawi Seige – COA

Gumastos lamang ng P10,000 ang Office of the Civil Defense (OCD) sa kabuuang P36.9 milyong donasyon na nakalap para sa mga biktima ng Marawi seige.

Ayon sa report ng COA, ang P10,000 ay ginamit lamang sa pagtulong sa isang pamilya na namatayan sa gulo noong 2017.

Hindi anila nagamit nang maayos ang donasyon at nawalan na ito ng saysay dahil hindi nabigyan nang sapat na saklolo ang mga biktima.

Giit ng COA, hindi lamang tulong pinansyal ang dapat ibinibigay ng OCD kundi pati na rin ang fatality aid na nagkakahalaga ng P10,000 at injury aid na P5,000.

Nakasaad ang utos na ito sa National Disaster Memorandum Order no. 13.