MMDA ipinaubaya sa SC ang implementasyon ng provincial bus ban sa EDSA

Inihayag ng Metropolitan Manila Development Authority (MMDA) na nakadepende sa Korte Suprema ang implementasyon ng provincial bus ban sa Edsa.

Sa isang panayam, sinabi ni MMDA traffic head Bong Nebrija na depende ito sa ilalabas na kautusan ng SC kung itutuloy o hindi.

Matatandaang naghain ang ilang mambabatas ng hiwalay na petisyon para ipatigil ang implementasyon ng MMDA regulation no. 19-002.

Isinalarawan ito ni Albay Congressman Joey Salceda na “anti-poor” ang nasabing polisiya.

Sinabi naman ni Nebrija na handa ang ahensya na sumagot sa mga petisyon sa polisiya.