4 arestado sa droga at pagsusugal sa QC

Timbog ang 3 lalaki at 1 babae sa pagsusugal ng cara y cruz sa McArthur St., Barangay Pasong Tamo, Quezon City Martes ng madaling araw.

Ayon kay Barangay Pasong Tamo executive officer Nestor del Rosario, nagpapatrulya sila nang maaktuhan nila ang 4 na nasusugal sa kalsada.

Inireport ng barangay ang insidente sa pulisya na agad rumesponde sa lugar.

Nakuha sa mga suspek ang isang sachet ng shabu.

Ginagamit umano ng 4 ang droga na pantaya sa sugal.