Employer ni Dayag sa Kuwait, kinasuhan na

Sinampahan ng kaso ng mga otoridad sa Kuwait ang amo ng Filipinang si Constancia Dayag kaugnay ng pag-abuso at pagpatay sa OFW.

Batay sa impormasyon mula sa Department of Foreign Affairs (DFA), sinampahan ng Kuwaiti General Prosecutor’s Office ang amo ni Dayag na nakilalang si Bader Ibrahim Mohammad Hussain ng kasong felony murder.

Ipinaalam ito ng ahensya sa pamilya ni Dayag sa gitna ng burol nito sa Angadana, Isabela.

Noong Huwebes ay dumating sa bansa ang mga labi ng Pinay mula Kuwait.

Una nang napaulat na inabuso si Dayag bukod sa pagpatay dito.

Sa ngayon ay ikinukunsiderang suspek ang amo ni Dayag na si Hussain.