Wawa Bulk Water Supply project ni Enrique Razon inaprubahan na ng MWSS

Aprubado na ng Metropolitan Waterworks and Sewerage System (MWSS) ang Wawa Bulk Water Supply project ng kumpanyang Prime Infra na pag-aari ng negosyanteng si Enrique Razon.

Ang Wawa Bulk Water Supply project ay inaasahang makalilikha ng mahigit 500 million liters ng tubig kada araw simula sa taong 2025.

Sa taong 2021, magiging available na ang nasa 80 mld ng tubig para sa East Zone consumers ng Manila Water.

Ang naturang proyekto na private arrangement sa pagitan ng Manila Water, WawaJVCo at joint venture company ng Prime Infra at San Lorenzo Ruiz Builders Group, ay makapagpapalakas sa water production ng Manila Water ng hanggang 30 percent.