Alyas Bikoy naibalik na ng kulungan matapos ma-ospital dahil sa mataas na presyon

Naibalik na sa PNP detention facility si Peter Joemel Advincula alyas Bikoy makaraang dalhin sa PNP hospital kaninang umaga dahil sa mataas na presyon.

Makaraang maging stable na ang kondisyon, naibalik na sa custodial center ng PNP-CIDG si Bikoy.

Unang sinabi ng PNP na dinala sa ospital sa loob ng Camp Crame si Bikoy matapos dumaing ng pagkahilo at pananakit ng dibdib at umabot sa 130/90 ang BP.

Nakatakdang palayain si Bikoy sa sandaling makapaglagak na siya sa mga kaso niya na mayroon siyang warrants of arrest.