4 na silid-aralan sa isang eskwelahan sa Davao City, nasunog

Ilang araw bago ang pasukan, nasunog ang apat na silid aralan ng Bernardo Carpio National High School sa Barangay Buhangin sa Davao City Huwebes (May 23) ng gabi.

Dakong alas-10:00 ng gabi nang magsimula ang sunog na naka-apekto sa laboratory room ng cookery, bread and pastry, dressmaking at beauty care.

Ayon sa ulat naputol ang supply ng kuryente sa ikalawang palapag ng paaralan bago sumiklab ang sunog.

Pinaniniwalaang electrical overload ang sanhi ng sunog.

Tinatayang aabot ng P2.8 milyon ang halaga ng napinsala ng sunog.