Compostela Valley tatawagin ng Davao de Oro

Nilagdaan na ni Pangulong Rodrigo Duterte ang bagong batas na magpapalit sa pangalan ng Compostela Valley bilang Davao de Oro.

Base sa Republic Act No. 11297, ang Commission on Elections (Comelec) ang magsasagawa ng plebisito para sa pagpapalit ng pangalan.

Kinakailangan na makakuha ng mayorya sa mga rehistradong botante para tuluyang mabago ang pangalan ng Compostela Valley.

Nabatid na tanging ang Compostela Valley lamang sa Davao Region ang walang pangalan na Davao.

April 17 nang lagdaan ni Pangulong Duterte ang batas na magiging epektibo 15 araw matapos mailathala sa mga malakaking pahayagan.