Alegasyong dawit ang Simbahang Katolika sa ouster plot itinanggi ng CBCP

Pinabulaanan ng Catholic Bishops’ Conference of the Philippines (CBCP) ang alegasyon ni Peter Joemel Advincula alyas ‘Bikoy’ na sangkot ang Simbahang Katolika sa planong pagpapabagsak kay Pangulong Rodrigo Duterte.

Sinabi ni Advincula na isang umano’y Father Alejo ang nagpakilala sa kanya sa mga taga-oposisyon para gawin ang Bikoy videos.

Ayon kay CBCP Executive Secretary Fr. Jerome Secillano, kung may pari mang kumausap kay Bikoy o may mga paaralang pinagdausan ng umano’y ouster meetings ay walang kinalaman ang Simbahan dito.

Iginiit ni Secillano na bagaman tinutulan ng Simbahang Katolika ang ilang polisiya ng administrasyon ay hindi kailaman itinuring na kalaban si Pangulong Rodrigo Duterte.