HIndi naman nakadalo ang direktor na si Lav Diaz na mayroong naunang commitment sa Cuba.
Kasama nina Piolo at Shaina ang iba pang cast ng pelikula na sina Pinky Amador, Mara Lopez, Hazel Orencio at iba pa.
Sa Q and A para sa premiere ng pelikula ay ibinahagi nina Piolo, Pinky at Shaina ang mga natutunan nila kay Lav Diaz.
Anila, napakagandang karanasan at malaking karangalan ang makatrabaho si Lav.
Ang Directors’ Fortnight ay non-competitive film festival na bahagi ng Cannes Film Festival.
Inorganisa ito ng French Directors Guild at nagsimulang iprisinta sa Cannes noong 1969.
Layon nitong ipakita at maibahagi ang mga dekalidad na pelikula.