Bahagi ng Metro Manila, Rizal at Bataan uulanin – PAGASA

Nagtaas ng thunderstorm advisory ang Pagasa sa ilang bahagi ng Metro Manila sa lalawigan ng Rizal at sa Bataan.

Ayon sa abiso ng Pagasa na inilabas alas 12:51 ng hapon (May 22), malakas na buhos ng ulan ang aasahan sa Taguig, Muntinlupa at Las Pinas Citiy gayundin sa buong Rizal at Bataan sa susunod na dalawang oras.

Heavy hanggang intense na pag-ulan naman ang nararanasan na sa mga bayan ng Sariaya, Tiaong, Mauban, at Tayabas sa Quezon; Rosario, Padre Garcia, Lipa, Laurel, at Tanauan sa Batangas; Silang, Tagaytay, at Amadeo sa Cavite; Los Banos, Liliw, Alaminos at Calamba sa Laguna; Santa Cruz, Candelaria, Masinloc at Palauig sa Zambales.

Ang mga residente sa nabanggit na mga lugar ay pinapayuhang maging alerto sa posibleng pagbaha.