Hinarang si dating Ombudsman Conchita Carpio Morales ng mga immigration officer sa paliparan sa Hong Kong, Martes ng hapon.
Sa isang panayam, sinabi ni Atty. Anne Marie Corominas na tumawag sa kaniya si Morales para ipaalam ang kaniyang sitwasyon sa Hong Kong.
Matatandaang naghain ng reklamo sina Morales at dating Foreign Affairs Secretary Albert Del Rosario laban kay Chinese Presidente Xi Jinping sa International Criminal Court (ICC) sa The Hague.
Kaugnay ito sa nais na pagsasagawa ng imbestigasyon sa agawan ng teritoryo sa South China Sea.
Ayon kay Corominas, walang nagawang krimen si Morales. Ginagawa lamang nito ang kaniyang karapatan bilang isang mamamayang Filipino.
MOST READ
LATEST STORIES