Lalaki umakyat sa Eiffel Tower sa France

Nagpatupad ng evacuation sa Eiffel Tower matapos umakyat ang isang lalaki sa naturang iconic Paris landmark.

Ayon sa operating company ng Eiffel Tower na SETE, dahil may climber, standard procedure na pigilan ang umakyat sa tower at i-evacuate ang mga tao.

Kabilang sa mga inilikas ang mga turista na nasa esplanade sa ilalim ng tower at sa malaking bahagi ng Champ de Mars park.

Inabisuhan din ang publiko na ipagpaliban muna ang pagbisita nila sa Eiffel Tower.

Nailigtas na ang lalaking umakyat sa tower pero wala pang detalye kung bakit niya ito ginawa.

Dismayado naman ang mga turista na galing pa sa malalayong lugar na bigong makapasok sa Eiffel Tower.