Scarlett Johansson engaged na sa BF na si Colin Jost

Engaged na ang aktres na Scarlett Johansson at kaniyang boyfriend na si Colin Jost ng “Saturday Night Live”.

Ang engagement ay kinumpirma ng publicist ni Johansson na si Marcel Pariseau sa Associated Press.

Dalawang taon nang magkasintahan sina Johansson at Jost.

Wala pa namang petsa kung kailan ang kasal ng dalawa.

Ang 34 anyos na si Johansson ay may mga nauna nang marriage – una ay sa aktor na si Ryan Reynolds at ikalawa ay sa journalist na si Romain Dauriac.

Ito naman ang magiging unang kasal ni Jost na edad 36 at co-anchor sa SNL Weekend Update.

Magugunitang kasama ni Johansson si Jost sa red carpet para sa premiere ng Avengers: Endgame.