Pusa na sikat sa internet dahil sa pagiging “Grumpy” pumanaw na

Pumanaw na ang pusa na sumikat sa social media dahil sa pagiging grumpy nito.

Ang internet star na si “Grumpy Cat” ay pumanaw sa edad na pito.

Sa Instagram Account at Twitter Account ni “Grumpy Cat” inanunsyo ang kaniyang pagpanaw sa Arizona.

Sumikat ang pusa dahil sa mga larawan nito kung saan mistulang laging galit ang kaniyang itsura.

Kinagiliwan siya ng marami maging ng mga celebrities gaya nina Stan lee at Jennifer Lopez na nakasama niya minsan sa larawan.

Si Grumpy Cat ay mayroong 8.5 million fans sa Facebook, 2.5 million followers sa Instagram 1.5 million sa Twitter.