LRT 2 nagka-aberya dahil sa problema sa ‘air pressure’

Balik na sa normal ang operasyon ng Light Rail Transit 2, Miyerkules ng gabi.

Sa abiso sa kanilang official Facebook account, sinabi ng pamunuan ng LRT-2 na naunang sinuspinde ang biyahe matapos makaranas ng technical problem.

Ayon kay Lyn Paragas-Janeo, huminto ang tren sa bahagi ng Betty Go-Belmonte Station bandang 7:28 ng gabi.

Ito aniya ay dahil sa ‘air pressure problem.’

Dahil dito, inabisuhan ang mga pasahero na gumamit ng alternatibong transportasyon.

Pasado 7:34 ng gabi nang muling umayos ang operasyon ng tren.