Nanalo si Escudero matapos umani ng 303 thousand 960 na boto laban sa katunggaling si Vladimir Frivaldo ng PDP-Laban na nakakuha ng 31 thousand 867 na boto.
Sa Instagram, nag-post si Heart ng larawan ng proklamasyon kasama ang caption na, “Congratulations to my Governor Chiz Escudero.”
Ayon pa kay Heart, matapos ang mahabang panahon na panunungkulan sa Senado, oras na para tutukan naman ng kaniyang asawa ang Sorsogon.
Nabanggit pa aniya sa kaniya ni Chiz ang mga plano sa probinsya para maiangat ang turismo, agrikultura at mga programa sa sports sa kalusugan.
Kasunod nito, nangako si Heart ng buong suporta nito kay Chiz.