Aparri, Cagayan nagtala ng 57.6 degrees Celsius na heat index Martes ng hapon

Umabot sa 57.6 degrees Celsius ang naitalang heat index sa Aparri, Cagayan alas 2:00 Martes ng hapon.

Ayon sa Pagasa, sa ngayon ay ito ang pinakamataas na heat index na naitala para sa taong 2019.

Ang heat index ang nararamdaman na init ng katawan na mas mataas sa aktuwal na temperatura.

Paliwanag ng Pagasa, ang heat index ang “apparent temperature or what humans perceive or feel as the temperature affecting the body.”

Ang heat index na 54 degrees Celsius pataas ay mapanganib at posibleng maging dahilan ng heat stroke.