Inihayag ng Malacañang na ang pagkakatalo ng mga senatorial candidate ng Otso Diretso ay patunay na nais ng mga Filipino na ituloy ang mga reporma ni Pangulong Rodrigo Duterte.
Binati ni Presidential spokesman Salvador Panelo ang aniya’y “resounding victory” o pagkakapasok ng mga pambato ng administrasyon sa Magic 12.
Sa inilabas na pahayag, sinabi ni Panelo na walang duda na iba ang ‘magic’ ng pangulo.
Ayon pa kay Panelo, patunay ang resulta sa pag-reject ng mga botante sa negatibong propaganda na inilalabas ng oposisyon laban kay Duterte tulad ng isyu sa extrajudicial killings, war on drugs, South China Sea at iba pa.
Isa rin aniya itong matibay na mensahe ng taumbayan na ipagpatuloy ang mga nasimulang reporma ng administrasyon.
Nagpasalamat si Panelo sa mga Filipino dahil sa natanggap na suporta ng mga pambato ng administrasyon.
Nagpasalamat din si Panelo sa Otso Diretso at sa kanilang mga tagasuporta.