56 arestado sa liquor ban sa Caraga

Umabot sa 56 na katao ang nadakip dahil sa paglabag sa liquor ban sa Caraga region.

Ayo kay Police Brigadier General Gilberto Cruz sa 56 na nadakip, 26 ay mula sa Butuan City, 20 naman ang galing sa Surigao del Sur, 6 mula sa Agusan del Sur, 3 sa Dinagat, at 1 sa Agusan del Norte.

Sinabi ni Cruz na mahigpit na ipinatupad ang 48-oras na liquor ban sa rehiyon na nag-umpisa alas 12:01 ng madaling araw noong May 12, at nagtapos alas 11:59 ng gabi ng Lunes, May 13.

Mayroon aniyang mga establisyimento sa rehiyon ang nag-apply para sa liquor ban exemption at ito ay ang mga itinuturing lang na tourist areas na pinupuntahan ng mga dayuhan.